Autoritetet e mbrojtjes së të dhënave në të gjitha vendet e Bashkimit Evropian (BE) mund të iniciojnë proces për shkelje të të dhënave private kundër Facebook edhe nëse kompania është e vendosur në Irlandë, këshilloi avokati i përgjithshëm i Gjykatës Evropiane të Drejtësisë, Michal Bobek, raporton Anadolu Agency (AA).
Në rastin e Facebook, autoriteti i mbrojtjes së të dhënave të Irlandës është përgjegjës në radhë të parë për ndjekjen e procedurave për shkelje të ligjit të BE-së për mbrojtjen e të dhënave, sugjeroi mendimi i Bobek.
Gjithashtu edhe në shpjegimin ligjor theksohet se “autoriteti kryesor i mbrojtjes së të dhënave nuk mund të konsiderohet si zbatuesi i vetëm i GDPR në situata ndërkufitare dhe duhet të bashkëpunojë ngushtë me autoritetet e tjera të mbrojtjes së të dhënave në fjalë”.
Kjo nënkupton se çdo autoritet përkatës i ndonjë vendi të BE-së mund të sfidojë Facebook ose kompani të tjera për mosrespektimin e Rregullores së Përgjithshme të Mbrojtjes së të Dhënave të BE (GDPR) nëse qytetarët ose entitetet e tyre janë të shqetësuar.
Në vitin 2015, Belgjika filloi një procedurë kundër Facebook për aplikimin e “cookies” të autorizuara në profilet e përdoruesve belg.
Duke qenë selia në Irlandë, Facebook argumentoi se vetëm autoriteti i mbrojtjes së të dhënave të vendit është ai që mund të bënte ankesa të tilla.
Avokat i përgjithshëm e hodhi poshtë këtë arsyetim.
Vlerësimi i avokatit të përgjithshëm nuk është ligjërisht i detyrueshëm për Gjykatën e BE-së, por gjyqtarët ndjekin këshillat në shumicën dërrmuese të çështjeve.
Nëse vendimi përfundimtar mbështet mendimin e Bobek, autoritetet përkatëse mund të iniciojnë proces kundër platformave të mediave sociale në të gjithë bllokun.
Rumania përballet me rrezikun e përmbytjeve
Kurti: Vitin e ardhshëm do të nënshkruhet Marrëveshja për ba...
Kuvendi Komunal i Prishtinës thërret mbledhje të jashtëzakon...
Ish-lojtari i Man Utd zbulon se si iu desh të largohej nga k...
“Kosova dhe Çekia me marrëdhënie shumë të mira bilater...
Gërvalla bën homazhe tek varrezat e vëllezërve Bytyqi në New...